ذكرياتي مع التعليم [ واجب ] .. !!
• كتبه جندبي يوم الأحد 25 مايو 2008 الساعة 9:05 م •مرر لي أ. بدر الشايع واجب جميل وحبيته ، وعلى ما يبدو أنه هو الذي أخترع الواجب وأحبّ أن يشاركه بعض المدونين والمدونات في حله ؛ وهذا أنا أحلّه .. علّنا نسترجع شيء من الماضي القديم << أخس يالشايب ههههه
كان عنوان الواجب : ” ذكرياتك مع التعليم ” ..
وكانت الأسئلة كالتالي :
1- أفضل مرحلة تعليمية درستها ؟
المرحلة المتوسطة ..
2- أسوأ مرحلة تعليمية مرت عليك ؟
بعض من المرحلة الثانوية وخاصة أيام أول ثانوي وثالث ثانوي ، وكذلك المرحلة الجامعية وخاصة في السنة الثانية منها ..
3- أفضل المدرسين اللي مروا عليك ؟
أممم فيه بصراحة مدرسين كثير في كل مرحلة لكن وبكل صدق المدرس الذي لن أنساه ما حييت هو أ. عبدالحكيم السعدي والذي درسني في متوسطة الدمام ..
4- أحب المواد اللي درستها ؟
في الابتدائي كنت أحب الرياضيات << الحين ما عاد اطيقها أصلا ً
في المتوسط أحببت العلوم ..
في الثانوي بكل صدق ما فيه شيء ينحب خخخخخخخ
في الكلية كنت أحب مواد تخصصي وكذلك مادة التاريخ ( بسبب الدكتور اللي كان يعطينا المادة ) ..
5- أكره المواد اللي مرت عليك ؟
من بعد الابتدائي كرهت شيء اسمه الرياضيات بسبب مدرس درسني بالمتوسط ، ولا زلت أكرهها ..
بعد ما أحب الانجليزي على إني أتعلم يومياً فيه ، لكن على أيام الدراسة كنت أكره لأن فيه مدرس بالثانوي كان يدخل علينا الفصل بداية الحصة ويطلع نهايتها وهو ما يتكلم كلمة عربية وحده ، فكان وجوده عن الطلاب زي عدمه خخخخ
في الكلية كرهت مادة التفاضل والتكامل وهي المادة الوحيدة اللي حملتها 3 مرات وما نجحت فيها إلا بعد ما كلمت الدكتور وكسرت خاطره هههه
6- آخر شهادة علمية حصلت عليها , وتخصصك ؟
بكالريوس حاسب آلي
7- أطرف موقف مر عليك في دراستك ؟
المواقف الطريفة كثيرة منها مرة من الحماس الزايد اللي عندي كان فيه أحد ( الاترام ) بالكلية كل محاضراتي 7.30 الصباح فتبرمجت عليها كل يوم ، ففي يوم خميس صحيت 7 ولبست ملابسي وشغلت سيارتي وعلى الكلية يوم اوصل الا ما فيه احد فدققت في الوضع اثاري اليوم الخميس فرجعت فحصلت الوالدة توها صاحية فاستغربت مني وحسبت صار شيء فلما عرفت ضحكت هههه
8- أصعب موقف مر عليك في دراستك ؟
فيه مواقف أيضاً كثيرة ، سأذكر موقفين :
الأول : كنت في اختبارات الصف الثالث متوسط الفصل الثاني وكانت بداية الاختبارات المواد الصعبة ( الرياضيات وطقتها .. ) فجاني ( العنقز ) وكانت ايام صعبة جدا ، لاني كنت اختبر لحالي ..
الثاني : وهو أصعب شيء مر عليّ بالدراسة وهو بعد وفاة والدي رحمة الله عليه ، حيث توفي قبل بداية الفصل الثاني في السنة الثانية بالكلية بثلاثة ايام فقط .. فكان بداية ذلك الترم مأساوية لي ولأهلي لأسباب كثيرة ربما اسرد بعض من التفاصيل في سلسة من التدوينات اللي راح اخصصها عن والدي رحمه الله بالمستقبل القريب ..
أمرر الواجب لـ :
- أسماء
- فيميل
- كاواي قيرل
- فوتون
- مضيعة بيتهم
- أفياء
- أرطبون
- المقدام
- إشراقة شمس
- القائد
- حياة عالية
- حلمي معي
- ماشي صح
- مجرد سؤال ؟
- هذووو
مصنف تحت المجتمع
التعليقات : 62 | زوّار الموضوع : 4,673 |
طباعة التدوينة
| 
إرسال التدوينة
• نسخة الجوال • الرابط الثابت • اكتب تعليق » •
ذكرياتي مع التعليم [ واجب ] .. !! |
Powered by FireStats
واجب يعيد الذكريات من جد ..
وخصوصا اذا كانت تحمل بعض المغامرات ..
ومافي اجمل من ذكريات المدرسة
وانا اقرأ البوست اقول بقلبي ( يارب يارب اسمي موجود
)
بما انه من العشر الاوائل راح احل الواجب باقرب وقت ان شاء الله
بعد ان اطلق صراح البوست المشابه لهذا الواجب
عدل اللى بين القوسين
( مو موجود )
واجب ممتاز لأنه في الذكريات أشياء كثيرة نحب نذكرها دوما
موفق اخي جندبي
أختي مضيعة أنت موجودة في انتظار حلك إن شاء الله
اشكرك جندوووب على حل الواجب ….
ياخويي أنت , أجل تخصصك حاسب آلي
مراحل جميلة من حياتك استمتعت بقراءتها ….
الله يرحم الوالد ولا يخيب رجاه فيكم , والمثل يقول :
من ورّث رجال ما مات
—-
مضيعة بيتههم :
تراي مررت عليك الواجب ولا حليته
ذكريات حلوة
يعطيك العافيـــة جندبي
جاري حلّ الواجب
<< أول واجب يتمرّر عليّ :unsure:
واجبي
http://www.nooooor.net/?p=46
ولو أن الواجب ماتمرر لي لكن مو مشكلة,,
لاني كنت ايأم الدراسة ماأحل واجبات
الله يرحم والدك ..
ان شاءالله احلّه قريب ..
يعني من اسبوعين الى ثلاثة اسابيع بإذن الله ..
ذكريات ممتعة
رحم الله والدك..
مضيعة : اي واجب ما انساك لازم تكونين موجودة
اااخ على بعض الذكريات بعض الاحيان ودي ترجع مثل تلك الايام وبعض الاحيان اقول الله لا يردها من ايام
انتظر حلك
ابو مروان : اسعدني مرورك جداً
بدر : كنت على الوعد وحليت واجبك
أفياء : ووووااااووو .. اول واجب اجل شعورك زي شعوري لما حوّلت لي احد البنات واجب كان اول واجب لي فبصراحة فرحت فرح غير طبيعي
حلك حلو وخاصة موقف مذاكرتك لاختبار مو اختبارك
إبراهيم :
اذا ودك تحله حله وورنا شطارتك 
فوتون : آمين ..
اسبوعين الى ثلاثة .. !!
لو الواجب صدق وفي مدرسة كان سقطتك .. كثير يا بنت 3 اسابيع حاولي بدري تحلينه 
عمر : حياك الله .. وشرفني مرورك ..
ذكريات حلوه
وما شا الله عليك باين عليك متذكرها زين
ومررت الواجب علي
وان شا الله احله قريبا
لان صراحه عجبني الواجب
هههههههههههههههههههههههه حمدلله مو بس أنا أكره الرياضيات (- كل الناس تكره الرياضيات خخخخخ
أول شي عالبركه الستايل الجديد مااااره عجبني
عقبالي أغير حقي
مشاكله مالها اول ولاآخر
أنا عكسك المتوسط عندي اخيس شي والثانوي اكوس الاكوسين
يعافيك ربنا
جندبي رحم الله والدك ,, وحقآ حب المآدة أولا وأخيرآ يرجع لمدرس المآدة نفسهآ
,,أيآم الدرآسة لها ذكريآت رآئعة لدى الكل وإن كآن يسودها بع
ض الشوائب – جندبي أعتذر عن سرعتي أثنآء الكتابة تم فصل التعليق والسبب [ الإنتر ]
واعتقد بما اننا اول مرة فعشان جيه صايرات شطورات وحالينه بسرعة
ماي هوم وورك >> http://eshraqat-shams.com/?p=29
جندبي انا وافياء لازم تمرر علينا هدية شطورات >>حماس أول مرة
الاستاذ عبدالحكيم من المشهورين بالتعليم بمدينة الدمام
واجب حلو كان ودنا نحله اللي هو احنا غير المدونين
حليته
خخخخخخخ ياكسلان
اجل حملت المادة 3 مرات ومابغيت تنجح فيها
الله لايبلانا بس
واجب ممتع بصراحة يكفي انها يسترجع ذاكرتك لايام مضت
وربي يرحم الوالد ويجمعكم بالجنة بعد عمر طويل ان شاء الله
حلمي : ننتظرك ايتها المحامية
كاواي : الله !! دوبك تشوفين الاستايل < < حرام عليك شكلك من زمان ما مريتي من هوون :fishy:
غيري استايلك تراه مو حلو < < بيتصفق :roll:
ميرسي
Butterfly : آمين ..
دائماً مدرس المادة له دور كبير في حب المادة من عدمها
اشراقة : مشكورة ويعطيك العافية ؛؛ بس للاسف ما فيش هدايا ما عندي الا واجبات :noworry:
ابو محمد : ما شاء الله تعرف اجل الاستاذ عبدالحكيم
اذا ودك تحل الواجب حله
فوتون : شاطرة
ليان : لا تتشمتين .. اخاف يجي الدور عليك
والله المادة طلعت روحي بجد ما استصغتها ابدا ابداً ..
شكراً
الله يرحم الوالد ويغفر له يارب ..
وش سالفتنا مع تضييع الايام خخخخخ
عــُـلم يا اوستااز .. بحله قريبا ً أوي ان شاء الله
3 مرات حملت الماث
.. الله يستر بس 
ما شاء الله ..
أنا كل يوم وانا رايحه للمدرسه أقول .. أبيــــ أروح الجااامعه ..
وكل يوم نفس المنوال .. وأتحطم لما اتذكر ال 3 سنين الباقياات
لكن يا حلاة المطرسه على قولة مديرتنا
توووووووهبل فوووديييتها أنا بص ..
بصراحه وبكل صدق .. أنا ما أحل واجبات
إقتباس من حلمي معي بتاريخ 25 مايو 2008 – 1:32 ص
امييين ..
ننتظر حلك ، ولا تتشمتين
إقتباس من شموخ بتاريخ 25 مايو 2008 – 7:51 م
الله يعينك اذا باقي 3 سنوات ، لكن تمر بسرعة ان شاء الله ..
واذا ما حليتي واجبات عندي راح تسقطين
:noworry: وصلتني الهدية اخوي جندبي..
تشرفت مدونتي بزيارة الاستاذ : بدر الشايع
وهالشيء اعتبره اكبر هدية
وعقبال زيارتكم لبيتنا المتواضع..
لكم تراتيل شكري وامتناني استاذي جندبي..
الله يرحم والدك وجميع أموات المسلمين يارب ..
لازم تذكرونا بالدراسة ..:@
كخخخخخخ .. ماشاء الله عليك طالب مجهتد رايح يوم الخميس
أنا أحياناً أصحى و أستانس بأرجع انا ع اساس أنه الخميس:sick: {- قمة التحطيم
بالتوفيق ..
شموخ ..
ههههههههههه كله كوووم و حماس يوم الخميس الساعة 7 كوم ثاااني :lol:
بعذرك لو حملت الماث ثلاث مرات ..
نفسي أنجح فيها بأعلى من دي
بس الحمد لله الحين تخصصي مافيه ماث لأبد الآبدين
الله يرحم والدك ويغفر له إن شاء الله ..
:lol:
أعجبني جدا موقف الكلية يوم الخميس
طالب نجيب ماشاء الله عليك
الله يرحم الوالد ويغفر له ..
ابشر الحين أحلّ الواجب ..
تسلم يا جندبي ,
عاجبني شماغك على فكرة :lol:
حليته
اشرقة : حياك الله اختي
شموخ : شفتي الفرق كيف .. والله يا ان روحي طلعت يوم طلعت من الكلية وتخرجت .. كرهتها
Cutest Ev!l : انا ما نجحت فيها بفلاحتي نجحني الدكتور فيها حتى انه عطاني 60 من 100 بس علشان امشي فيها
عصفور المدينة : الحمد لله اننا ونسناك
ارطبون : مشكور حبيبي على كلامك .. والشماغ من بركات ” فيميل ”
هذوو : شطورة
الله يرحم الوالد ويجمعكم بجناته ,,
( في الكلية كرهت مادة التفاضل والتكامل ) >> أكثر شي جذب انتباهي :unsure:
ياحليلها هالمادة مسببه رعب للجميع هي واختها ( الجبر الخطي )
بالتوفيق جندبي
آمين ..
يا كرهي لهالمادة هي والجبر الخطي ..
شكراً
[...] من 10 سنوات تذكرت اليوم أن المدرس بدر الشايع وجندبي مررا لي واجباً تدوينياً عن ذكريات الدراسة >>> (يعني [...]
[...] الاستاذ المضيع : جندبي ،واجب من مدونة الاستاذ الحقيقي :بدر الشايع ،، وايضا [...]
درسني الاستاذ عبدالحكيم السعدي يوم كنا بالدمام بمدرسة سعود بن نايف وكنت معجب فيه مره وفيه صفه اعجبتني قدرته على التعامل مع الجميع ويعرف الشيء قبل وقوعه وله هيبه عجيبه حنا نحبه مره وعنه الحين اكثر من خمس سنوات وبروح للدمام عشان اشوفه ..
اي والله صدق استاد عبدالحكيم السعدي احسن استاد
واستاد سعيد الخفوي
وانا ادرس في الدمام المتوسطة والصراحة احلى مدرسة مرت علي
آه يا عبد الحكيم بو أحمد أستاذي الفاضل أتمنى بكل صراحة اني التقي فيه مره ثانيه درسني في سعود بن نايف ابتدائي ومتوسط
هذا مثال لمعلم لا يكتفي بتلقين المعلومات فقط جزاه الله خير
[...] الاستاذ المضيع : جندبي ،واجب من مدونة الاستاذ الحقيقي :بدر الشايع ،، وايضا [...]
درسني الحبيب عبدالحكيم السعدي بمتوسطة المعتصم بالله بمدينة العمال بالدمام والله مو قايل عنه احسن معلم بل عجيب وغريب وفظيع ورهيب وكل الصفات فيه وانا الحين متخرج من جامعة البترول وكل ايام دراستي ما شفت واحد مثله ، وتشرفت بلقائه في قصره والله اسعد يوم بحياتي وانا اسلم عليه ودخلني استراحته وتجولنا بقصره واوووووووووو بكل صراحة حلو القصر يستاهل اللي هو فيه وتعجبت رجوعه لمدرسته الأوليه كمدرس والله هو احسن له مدير تعليم والا ههههههههههه يستاهل ابو احمد
يعطيك العافيه كاتب هذا الموضوع وذكرتني باستاذي ووالدي ابو احمد ( عبدالحكيم السعدي ) معلم فذ واداري رائع مره ولاعب كرة من الطراز الأول ويسمونه سقراط الحواري وهو بالفعل عمدة الدمام بدون منازع الله يعطيه العافيه والصحة واتشرف بزيارة بالمدرسة كل شهر مره لانشغالي بالنادي وانا اعتز بصداقته ومثلي الاعلى
حلوه الذكريات واحلاها جبتوا اسم عبدالحكيم السعدي اللي اقول عنه انه معلم نادر بزمان لا يستحق ان يكون مثل هذا موجود وقلت له كذا مره ان يترك التدريس ويهتم بعقله التجاري فهو نفع كثير من زملائه وجعلهم رجال اعمال معروفين وفيه خصله غريبه لا يهتم بالماده ابدا فكل من استشارة يقدمها بدون مقابل فنعم هذا الرجل اللي محارب من الفاشلين ومقاتل ضد المنحرفين وموجه للجميع واسلوبه جميل حيل
قصتي حلوه اسمع اخوي دائما يذكر اسم استاذ عبدالحكيم السعدي قلت خلني اكتب اسمه بجوجل عسى اشوفه واعرف عنه شيء وصدفه وجدت صفحتكم وقريت الكلام وعرفت ليه اخوي 11 سنة ما عنده الا عبدالحكيم – حكيم راح وحكيم سوى كذا وحكيم جاء وما الومكم جميعا
وين الاستاذ عبدالحكيم السعدي الحين ؟
بأي مدرسة ووين ساكن ؟
درست مثلكم بالدمام المتوسطة وما درسني الاستاذ عبدالحكيم السعدي بس سمعته عنه انه افضل مدرس يشرح الدرس وعليه متابعة كبيره ومميزه واللي كان يعجبني مستحيل احد ما يقدره منذ اول لقاء وله هيبه عجيبه
الدمام المتوسطة مدرسة متميزه وفيها عبدالحكيم ايام زمان وله فضل كبير بوصولي كدكتور ولن انسى معروفه ابدا ولكن يقولون انه انتقل من الدمام 0
اكتب عن عبدالحكيم بالذات لمعرفتي به واسلوبه النادر والعجيب وتقولون كأنه يعرف امور كثيره ومطلع على كل شيء تبارك الله وما شاالله عليه الله يعطيه الصحة والعافيه