كيف وصولوا لـ [ هنا ] ؟
• كتبه جندبي يوم الثلاثاء 12 أغسطس 2008 الساعة 9:40 م •مساء الخير والاحساس 
البوست هذا فكرته غريبة لأن منبع الفكرة غريب 
وجالس أحضّر في هالبوست من أسبوع تقريباً >> وش دعوة في مدرسة 
طبعاً الأغلب ويمكن الكل يعرف موقع [ رتّب ] للاحصائيات اللي يزوّد المواقع المشتركة فيه باحصائيات عن الزوار وغيرها بطريقة جميلة وشاملة تساعد صاحب الموقع على تطوير موقعه ومعرفة نقاط قوة موقعه وكذلك ضعفه ..
أحد خدمات موقع [ رتّب ] يقدم لصاحب الموقع [ كلمات البحث التي أوصلت الزوار إلى موقعك ] وهالخاصية حلوة وتعرفك باللي يبحث عنه الزوّار بكثرة في مواقع البحث واللي ترسلهم لك هالمواقع ..
طبعاً يستطيع صاحب الموقع تطوير موقعه في محركات البحث حتى يصبح موقعه ذو شعبية عالية وانتشار واسع من خلال ما يبحث عنه الزوّار إذا كان موقعك يحتوي على ما يبحثون عنه ..
نرجع لموضوعنا .. أنا أحب أدخل الموقع يومياً وأتابع الزيارات والزوّار ومن أين وصلوا ومن أي البلدان هم و .. و … ، لكن اللي يخليني أضحك كثيراً هي كلمات البحث اللي يبحثون عنها الزوار في مواقع البحث ثم ترسلهم هالمواقع إلى مدونتي ..
طبعاً فيه كلمات مضحكة وكلمات ما تعرف وش تبغى وكلمات ##### >> حتى لا يزعل الزوّار ولا عاد يرجعون لمدونتي 
خلوني اوريكم بعض الكلمات اللي بحثوا عنها الزوار خلال الأسبوع الماضي ووصلوا عن طريقها لمدونتي 
يمكن تكون الصور صغيرة ، ولكن راح أكتب الموجود تحت كل صورة ..
هذا يقول : [ أحب أتعلم السنة الخميس ابتدائي الرياضيات ] >> 
ممكن عربي علشان نفهم !!
وهذا يقول : [ طلعة الليل ] >> ترى وانا اخوك ما عندنا هنا طلعات بآخر الليالي 
وهذا شكله متوهم : [ أسمع جرس جوال ] >> هذا شكله كان يبحث وهو يتحلم بجواله يدق عليه 
هذا بصراحة ذكي شوّي : [ أغسطس شهر كم ] >> لا تعليق بصراحة 
هذا بصراحة جاب العيد : [ أصوات مقرفة ] >> الله يقرف شيطانك إن شاء الله ، وش تبي بالأصوات المقرفة 
بالأخير يقدم الموقع خدمة بلدان الزوّار ودائماً أشوف زوّار من :
يا حبّي لك يا تركيا 
بالأخير ترى هالبوست بس لتوسعة الصدر ولا احد يفهم غلط وإني أتشمت بالزوّار أو شيء .. وتحملونا وأعذرونا .. 
واللي يبي يقلد الموضوع ياخذ راحته 
مصنف تحت منوعات
التعليقات : 9 | زوّار الموضوع : 1,643 |
طباعة التدوينة
| 
إرسال التدوينة
• نسخة الجوال • الرابط الثابت • اكتب تعليق » •
كيف وصولوا لـ [ هنا ] ؟ |
Powered by FireStats
أغسطس شهر كم؟ ذكاء خارق ماشاء الله،
جيد انك تحاول التعرف على الطرق الموصلة للزوار، شيء جيد.
باين تصل كمية كبيرة من الاذكياء ماشاء الله،
بالمناسبة أبريل شهر كم؟
ترى ما السر في حب الزوار التركيين
هههههههههههههههههههههههههههههه
خاصيه خطييييره ..
حسيت مدونتك مسكونه ع كلمات هالبحث
ههههههههههه
يا الله ايش هذه الاصوات المزعجه
الناس سامعتها من قوقل
اصوات مقرفه و اصوات جوالات
بلا ازعاج مره ثااانيه
اتوقع شكلك >>>>>
خلاص
بابا جندبي
اخر مره اخر مررره التوبه التوبه
والله انا كنت اتابع في رتب بس بعد ما سار يقفل سرت اتابع اضافة فير ستيتس واشوف كل الي جايين والي رايحين وترى كثير الي يبحثو اشياء منتى داري كيف جاية
“” يا حبّي لك يا تركيا “”
مممم
نتايج رتب في البلدان مهي دقيقة أنا كان يحسبني من بريطانيا
هههههههههههههههه
اسسسكت الموضوع هذا كنت ناوية اطرح زيه
ليش تسرق الفكرة من بالي :x
بس للحين أبي أوريكم شي مفججججع ان شاء الله قريبا ً من كلمات البحث اللي توصلهم لي
على فكرة اضافة فير ستيتس خربانة عندك نفس خرابها عندي
ايه والله انا توني مشتركة برتب .. وكل شوي اروح اتفرج
فعلا الكلمات غريبة .. اللي تخلي الزوار يوصلون للمدونة
أهم شي رائجة مقرفة!! لوووووول
أضحك الله سنك. ووسع الله صدرك :-)
مدونة ممتعة .. بالتوفيق
ايييييييي جندبي كان بالوورد بريس المجاني فيه هالخاصية( بمدوتي القديمة )
واللي يشوفني كأني قد كتبت شيء بمدونتي قلة حيااا 
وياعيني على كلمات البحث اللي توصلني من قوقل وغيره !!
كلمات عجيبة غرييية !!! وفيه بعضها مثل ماقلت مدري وش تبي وكله كوم وكلمات نص كم
بس قهر الحين بالدومين الخاص ماعاد فيه هالخاصية !!!!
من فضلك ، شاهد سجل الزوار .. ،